Почна учебната година во Струмица, градоначалникот Јаневски посака успех

Почна учебната година во Струмица, градоначалникот Јаневски посака успех

Струмица, 3 септрмври 2018 (МИА) - Градоначалникот на Струмица Коста Јаневски заедно со членовите на Советот на оштината денеска присуствуваше на приредбата што традиционално се организира по повод првиот училишен ден пред Домот на АРМ во Струмица.

Честитајќи им го првиот училишен ден, градоначалникот Јаневски им посака многу успех во школувањето.

- Ве очекуваат уште многу први нешта, како што се првата научена буква, првиот број, првиот напишан збор, првата песничка, првата домашна задача и се така по ред. На тој начин, чекор по чекор, ќе навлегувате во тајните на македонскиот јазик, математиката, природните науки, општеството, како и во ликовното, музичкото и физичкото и здравствено образование. Од ден во ден ќе бидете се побогати со знаења, а тие знаења ќе ви отворат многу врати во вашиот понатамошен живот, им порача градоначалникот Јаневски на првоодделенците од Струмица.

Годинава бројот на првачињата е поголем во однос на лани. Лани биле запишани 499 ученици, а годинава се запишале вкупно 560 ученици. Од нив 461 ученици се запишале во матичните основни училишта, а останатите 99 запишани се во подрачните училишта.

Во новата учебна година првпат во средношколските клупи ќе седнат и 890 ученици запишани во прва година во трите средни општински училишта.рт/скс/12:00

###

 

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ