Во Кавадарци пуштена во употреба нова училишна спортска сала

Во Кавадарци пуштена во употреба нова училишна спортска сала

Кавадарци, 3 септември 2018 (МИА) - Во Кавадарци денеска беше пуштена во употреба новоизградена училишна спортска сала во Основното општинско училиште “Тоде Хаџи Тефов”, 56 години по отварањето на оваа воспитно образовна установа.

- Се работи за училиште со голема традиција на квалитетен наставен кадар и голем број на успешни ученици, рече директорот Никола Нешковски.

Појасни дека реновирани се и спортските терени, со што учениците имаат целосен комплекс за наставата по физичко и здравствено образование.

- Во 21. век младите постојано се изложени на опасност од најразлични пороци кои се огромен проблем за градење успешна иднина. Токму ваквите услови за развој на психофизичкиот развој преку спортот, се најдобра алатка за избегнување  на пороци, нагласи Нешковски.

Кавадаречкиот градоначалник Митко Јанчев рече дека е штета што некои училишта се уште немаат спортски сали. Изрази надеж дека во наредниот период заедно со Министерството за образование и Агенцијата за млади и спорт, ќе се успее сите училишта во општината да добијат сали за спортски активности. Ќе се настојува исто така да се обезбедат и други слични објекти.

- Општина Кавадарци е на вистински правец, оваа година имаме запишано повеќе првачиња со 10 проценти од претходната година,тоа е еден добар податок, од душа да кажеме дека имаме поголем наталитет и поголем развој во општината. Исто така, овие ученици кои имаат завршено деветто одделение кои ги запишуваат во средните училишта се исто така со поголем број, тоа значи дека и од другите соседни општини имаме запишано ученици овде, нагласи Јанчев.свд/скс/14:20

###




Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...

Тренерот на Баерн им порача на фудбалерите да не одат сами на „Октоберфест“

Од овој викенд Баварија повторно живее во знакот н...