Притвор и кривична пријава за убиецот на семејството од Дебар

Притвор и кривична пријава за убиецот на семејството од Дебар

Скопје, 3 септември 2018 (МИА) - Кривична пријава за убиство против 28-годишната Б.П. денеска до Основното јавно обвинителство поднесе Надворешната канцеларија за криминалистички работи Дебар.

Како што соопшти МВР, кривичната пријава е поднесена и против Ф.Г.(31) од Гостивар и В.К. (61) од Дебар за помагање во убиството на  Амит Поцеста (54), неговата сопруга Назмије (53) и нивната ќерка Анила (14).

Сите се приведени, а судија на претходна постапка од Основниот суд Гостивар им одреди притвор во траење од 48 часа.

Порталот Инфо Шќип, повикувајќи се на полицијата, утрово пишуваше дека извршител на тројното убиство во семејството Поцеста во Дебар е нивната поголема ќерка.

Неофицијално, откако Б.П. го извршила грозоморното убиство отпатувала за Италија, по што повторно се вратила во Дебар, откако роднините „ја известиле“ за трагичниот настан.

Поцеста беа застрелани со пиштол на 26 август во утринските часови во нивниот дом додека сопружниците спиеле во спалната соба, додека девојчето во неговата соба. Биле пронајдени од близок роднина истиот ден околу 21 часот.

Сопружниците речиси три децении со своите три ќерки живеле и работеле во Италија, а во родниот крај вообичаено, како и секоја година, доаѓале за време на летниот одмор.

Тие беа погребани на градските муслимански гробишта во Дебар во вторникот, а до вечните почивалишта ги испратија неколку илјади дебарчани. бк/сд/14:37

###

                                    

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Тинејџерка преживеала 49 дена на отворено море пиејќи цедена морска вода

Индонезиска тинејџерка минала 49 дена на отворено ...

Олег Сенцов стана почесен граѓанин на Париз

Украинскиот филмски режисер осуден на 20 години за...

Британски математичар тврди дека пронашол решение за проблем стар 160 години

Еден од најистакнатите британски математичари, Мај...

Познатиот професионален убиец на ТВ-екраните стана модна икона

Ѕвездата од новата ТВ-серија „Убиствената Ив“, ист...

Премиерката на Нов Зеланд и нејзиното бебе - хит во ОН

Премиерката на Нов Зеланд, Џасинда Ардерн, која ов...