Николов: Со вакво покачување на платите, здравствените работници ќе продолжат да заминуваат од државата

Николов: Со вакво покачување на платите, здравствените работници ќе продолжат да заминуваат од државата

Скопје, 23 август 2018 

Почитувани,

Владата предводена од СДСМ и премиерот Зоран Заев, за изминатава година и половина власт, во континуитет ги лаже и манипулира лекарите и здравствените работници. Наместо реализација на ветувањата кои ги даваа пред да добијат власт, тие или ги запираат круцијалните проекти, или ги лажат лекарите и вработените во здравствениот сектор, како и самите граѓаните.

Денес се потврди утопијата дека откако ќе дојдат на власт, во првите шест месеци ќе ја покачат основната плата на сите здравствени работници за 15 проценти. Измина повеќе од една година и половина откако владата предводена од СДСМ е на власт, а ова ветување се сведе на минорни 5%. Едноставно кажано повторно ИЗЛАЖАА.

Замислете, СДСМ и Заев ветуваа дека основната плата на докторите специјалисти до 2020 година ќе изнесува повеќе од 100 илjади денари. Со ова темпо на покачување, тешко дека некој специјалист ќе ja види оваа плата, а лекарите и здравствените работници само ќе продолжат да заминуваат од државава.

СДСМ исто така им ветуваше и на матичните лекари зголемена капитација, односно покачување на капитациониот бод на 90 денари. Понатаму, ветуваа покачување и на капитацијата по пациент и на матичните стоматолози. Но, денес се сведовме во состојба да околу 10 илјади пациенти останат без здравствен третман од матичен лекар, сето тоа само заради неспособноста да се отстранат бирократските процедури.  

СДСМ и министерот Венко Филипче, најавуваа ставање на пациентот во центарот на вниманието, а флоскулата „задоволни пациенти и задоволни лекари” денес се сведува на зголемување на времето на чекање на преглед кај специјалист и преоптеретеност на специјалистите со по 40-50 прегледи на ден.

Оттука се поставува прашањето знае ли актуелниот министер за здравство, што ветувала партијата која го доведе на оваа функција, и што им е ветувано на вработените во здравството и на граѓаните? Согласно фактите неговото име наместо со заложби за решавање на проблемите, мерки за граѓаните, и за вработените во здравството, се поврзува единствено со тендери.

Со неисполнувањето на ветувањата, лагите и со манипулациите, како со оваа последнава за покачување на платите за 5 проценти, а не ветените 15 проценти, Заев и Филипче покажуваат дека тие не се грижат за здравјето на граѓаните и единствено ги манипулираат. 

Денес реалноста говори дека за СДСМ, непознат e терминот достоинствен третман, бидејќи тие освен со лаги и манипулации, на друг начин не знаат и не се способни да ги задржат во јавното здравство лекарите и здравствените работници.

Го повикуваме министерот Филипче и одговорните во владата на СДСМ да реализираат барем едно дадените ветувања. И да не ја потценуваат интелигенцијата и достоинството на здравствените работници и лекарите.

Игор Николов, член на ИК на ВМРО-ДПМНЕ

____________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

 

 

                                                           

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...