СДСМ: ВМРО-ДПМНЕ лажно обвинува, се работи домаќински

СДСМ: ВМРО-ДПМНЕ лажно обвинува, се работи домаќински

Скопје, 26 август 2018 

ВМРО-ДПМНЕ, најбогата партија во Европа и партија симбол за расипништво и криминал продолжува лажно да обвинува се со цел да не даде одговор за најважното прашање за македонската иднина.

Нема поголемо лицемерие од тоа партијата сместена во скапоцен дворец од милиони евра, којашто што потроши стотици милиони евра на лажен барок, споменици и стиропор за да ги задоволи хировите на Никола Груевски, денеска неосновано да обвинува за наводно расипништво.

ВМРО-ДПМНЕ да не се грижи, Владата предводена од СДСМ работи во интерес на сите граѓани, има пари за остварување на сите зацртани мерки што го подобруваат животот на сите граѓани.

Доколку навистина сака да види што навистина е расипништво, младиот Александар Кочев нека прошета во штабот на неговата партија да ги погледне уметничките слики и раскошот вреден милиони евра изграден додека Македонија и граѓаните тонеа во долгови и сиромаштија.

Наместо да се бламира со празни прес-конференции, ВМРО-ДПМНЕ да се надмине себеси и конечно јавно да го соопшти ставот за најважното прашање: Дали на 30 септември ќе ги повика членовите да излезат и да се изјаснат за македонската иднина во ЕУ и НАТО со загарантиран македонски идентитет?

Центар за комуникации на СДСМ

____________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ