ВМРО-ДПМНЕ: Власта бесрамно ги злоупотребува македонските евроинтеграции за да го оправда капитулантскиот договор

ВМРО-ДПМНЕ: Власта бесрамно ги злоупотребува македонските евроинтеграции за да го оправда капитулантскиот договор

Скопје, 2 септември 2018 

Зоран Заев и СДСМ тргнаа во кампања за референдум за капитулантскиот договор, а се срамат да спомнат збор за заштита на Уставот, историјата, традицијата. Нема подобар доказ од тоа дека Заев се согласи да ги прифати грчките црвени линии со кои се брише името Република Македонија и се брише македонскиот идентитет. Заев молчи околу тоа како ќе се вика државата доколку му помине референдумот, дали ќе има македонско малцинство во Грција и македонски топоними.

Заев и СДСМ бесрамно ги злоупотребуваат македонските евроинтеграции за да го оправдаат капитулантскиот договор кој го потпишаа со Грција, со кој се откажуваат од се што е македонско.

Картелот на власт се обидува да ги изманипулира граѓаните дека нивното криминално и расипничко работење е работа по европски стандарди.

За да ја оправдаат слабата поддршка која ја добиваат во обидот да го сменат името, Уставот, идентитетот, нацијата, културата и историјата, СДСМ почна и да ги потценува граѓаните и да ги дели на проевропски и антиевропски.

Штетниот и срамен договор со Грција, СДСМ го претставува како европска вредност. За СДСМ откажувањето од државните и националните интереси на Република Македонија е европска вредност и кој е против ова откажување го оцрнуваат како непријател на западната ориентација на државата.

СДСМ има изместени критериуми што е европска вредност.

Држава во која Вицепремиерот ненаситно секојдневно си доделува државни тендери во неговите фирми за СДСМ е европски стандард.

Злоупотреба на државните ресурси од страна на власта за политички цели и настани кои граѓаните не даваат поддршка за СДСМ е европски стандард.

Почеток на учебна година во која илјадници ученици во државата ќе ја почнат без учебници за СДСМ е европска вредност.

Доделување на крвави тендери и грантови на роднини на функционерите на Владата и партијата на власт, за СДСМ е европска вредност.

Држава во која премиерот е два пати аболициран и целата јавност го виде како бара мито, за СДСМ е држава по европски стандард.

Несогласувањето со ваквото криминално и расипничко работење СДСМ го поистоветува како противење на влезот во ЕУ и НАТО.

Македонските граѓаните не се против и НАТО, тие ја поддржуваат евроинтеграцијата на Македонија, но не ги поддржуваат криминалите на СДСМ и Заев и распродажбата на државните и национални интереси.

Македонија навистина ќе тргне кон ЕУ и НАТО кога картелот предводен од Зоран Заев и СДСМ ќе си замине од власт и само така ќе може да се достигнат европските вредности кон кои се стремиме децении наназад.

Токму затоа ги повикуваме сите граѓани да ни се придружат денес на протестниот марш во Кичево со почеток во 13 часот.

Заеднички и сложно да порачаме доста е со криминалите на СДСМ, доста е со поделби и доста е со распродажбата на државните и национални интереси.

Граѓаните и Република Македонија ќе победат!

Центар за комуникации на ВМРО-ДПМНЕ

____________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...