• A-
  • A
  • A+
среда, 19 септември 2018, 

Ахмети-Хелбах: Германија е коавтор на нашиот евроатлантски успех

Ахмети-Хелбах: Германија е коавтор на нашиот евроатлантски успех

Скопје, 5 септември 2018

Претседателот на Демократската унија за интеграција, Али Ахмети денеска имаше работен состанок со специјалниот претставник на Министерството за надворешни работи на Германија за Југоисточна Европа, Турција и земјите од ЕФТА, Христијан Хелбах и германскиот амбасадор во Македонија Томас Герберих.

На средбата, соговорниците дискутираа околу референдумот, спроведувањето на уставните измени, реформите и регионалните случувања.

Ахмети му се заблагодари на Хелбах за големата германска поддршка за успехот на Договорот од Преспа и евроатланската интеграција на Македонија.

Лидерот на ДУИ истакна дека штабот на Демократската Унија за Интеграција за референдумот на 30 септември е во целосна  функција на успехот и дека секој ден се структуираат на терен.

Ахмети истакна дека огромното мнозинство на граѓаните од сите заедници во земјата ја подржуваат интеграцијата на земјата во НАТО и ЕУ и дека очекува успешен референдум.

Г. Ахмети повторно ја повика македонската и албанската опозиција да му се придружат на евроатланскиот пат и без двоумења да ги подржат напорите за реализација на неопходните чекори, референдумот и уставните измени.

Г. Ахмети ја поздрави посетата на Канцеларката Меркел и истакна дека успехот во однос на интеграцијата и демократизацијата на општеството се заеднички успех на домашните сили и меѓународната заедница.

Демократска унија за интеграција

____________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ