• A-
  • A
  • A+
сабота, 22 септември 2018, 

Кризниот штаб против референдумот очекува ВМРО - ДПМНЕ да донесе одлука за бојкот

Кризниот штаб против референдумот очекува ВМРО - ДПМНЕ да донесе одлука за бојкот

Скопје, 11 септември 2018

Кризниот штаб против референдумот очекува од ВМРО-ДПМНЕ денеска да го израдува народот со единствено исправната одлука, а тоа е одлука за бојкот и неизлегување на референдумот.

Во овие тешки моменти за Татковината кога пучистичката власт во Скопје е во очајнички обид да сруши се што е македонско, ВМРО-ДПМНЕ да застане на страната на македонскиот народ, поголем дел од граѓаните, Македонците во странство, кои нема да излезат на претстојниот референдум оти не сакаат промена на вековното македонско име.

Кризниот штаб против референдумот и македонскиот народ силно веруваат дека и ВМРО-ДПМНЕ како демохристијанска партија и со силна верба во Бог, ја дели нашата спремност да останеме свои на своето, да се оди до крај во одбрана на Македонија и Македонците од јасно изразената намера на пучистичката власт во Скопје да ги избрише Македонците.

Во овој момент мора да се тргнат настрана тесно-партиските интереси и сите национални и патриотски сили правилно да ги распоредат интересите што подразбира, на прво место националниот и државниот интерес, на второ место партискиот интерес, а дури некаде на трето место личниот интерес.

Ова зло што му се случува на Република Македонија е познато. Се вика пучистичка власт во Скопје која сака да сруши се што е македонско. Националните и патриотските сили имаат обврска тоа да не му го дозволат Да се обединиме против референдумот, а после на избори секој нека оди со своите определби оти простата вистина вели дека доколку се сруши државата сите ќе не затрупа во неа!                           

Центар за комуникации на Кризниот штаб против референдумот

____________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ