• A-
  • A
  • A+
четврток, 20 септември 2018, 

Стотина граѓани пред Судот за поддршка за обвинетите за настаните од 27 април

Стотина граѓани пред Судот за поддршка за обвинетите за настаните од 27 април

Скопје, 22 август 2018 (МИА) - Со зурли и тапани стотина граѓани пред Кривичниот суд даваат поддршка на обвинетите за случувањата во Собранието на Република Македионија од 27 април минатата година, случај за кој денеска е закажано првото рочиште.

Присутните пејат македонски песни и визвикуваат „Европа мафија“ и „НАТО фашисти“.

Во моментов пристигнуваат обвинетите, а пред Кривичниот суд има големо полициско обезбедување.

Предметот, како што е најавено ќе го води судијката од организиран криминал Добрила Кацарска,  за кој веќе се закажани 37 термини за главна расправа.

Јавното обвинителство на Република Македонија, во март годинава објави дека е поднесен обвинителен акт против 30 лица, од кои 28 за терористичко загрозување на уставниот поредок и безбедноста од чл.313 од Кривичниот законик, а две лица за помагање при вршење на истото кривично дело.

Според ЈОРМ, со обвинителниот акт се опфатени три лица, припадници на структурите на Министерството за внатрешни работи, кои како овластени службени лица биле носители на „златна“ и „сребрена“ команда, како и лица кои биле учесници во друга група, како организатори на движењето „За заедничка Македонија“. бк/сст/10:07

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ