• A-
  • A
  • A+
петок, 21 септември 2018, 

Бошњаковски: Заев лично го набави бројчаникот, запазени се сите постапки (видео)

Бошњаковски: Заев лично го набави бројчаникот, запазени се сите постапки (видео)

Скопје, 31 август 2018 (МИА) - Запазени се процедурите и постапките при поставувањето на бројчаникот на Триумфалната порта којшто е донација од премиерот Зоран Заев, изјави денеска владиниот портпарол Миле Бошњаковски.

Одговарајќи на новинарски прашања по денешната редовна прес-конференција во Владата, портпаролот Бошњаковски рече дека Заев како граѓанин на Република Македонија упатил барање за согласност за поставување на електронски екран и оти истиот е набавен лично од него. 

-  Се разбира дека имало постапка, процедура и документацијата е комплетна од доставувањето на барањето, одобрувањето и поставувањето. Како што е веќе информирана јавноста, ќе бидат објавувани финансиските средства кои ќе бидат враќани во Буџетот на Република Македонија, од судските процеси кои се во тек, појасни Бошњаковски.

Информацијата колку чини бројчаникот, како што рече Бошњаковски, дополнително ќе им биде доставена на медиумите. бак/са/13:21

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ