Заев позитивно решение за односите Косово и Србија, Вучиќ добро е кога соседите ги решаваат проблемите

Заев позитивно решение за односите Косово и Србија, Вучиќ добро е кога соседите ги решаваат проблемите

Табановце/Прешево, 2 септември 2018 (МИА) - Македонија поддржува позитивно решение со кое ќе се обезбеди просперитет и траен мир во регионот, рече премиерот Зоран Заев, одговарајќи на новинарско прашање каков е ставот на Македонија за односите помеѓу Србија и Косово при денешната средба со српскиот претседател Александар Вучиќ на граничниот премин Прешево-Табановце.

- Македонија поддржува позитивно решение за Косово, решение кое што ќе ја унапреди благосостојбата и на Србите и на Албанците и на сите граѓани кои што живеат во Косово и ќе ја гарантира и безбедноста, мирот и просперитетот и на Србија и на Косово и на целиот овој наш регион, рече Заев.

Значајно е, додаде, сите лидери од регионот да бидат обединети околу заедничките цели, а тоа се траен мир, регионална соработка, економски развој и членство во ЕУ.

Претседателот Вучиќ најавија дека на пријателски и разумен начин ќе разговараат со премиерот Заев за сите прашања, за економската и билатералната соработка, за Србите во Македонија и Македонците во Србија. Уште еднаш ја повтори важноста и бенефициите кои ќе ги имаат земјите од проектот за заедничкото гранично управување.

- И за односите Белград Приштина ќе го запознам премиерот Заев во кој стадиум се наоѓаме и што е тоа што ни се чини дека треба да направиме во иднина, рече Вучиќ.

Одговарајќи на новинарски прашања каков е неговиот став за прашање на референдумот и дали ќе го повика срспкото малцинство да учествува на референдумот во Македонија, претседателот Вучиќ истакна дека не сака да се меша во внатрешни прашања на другите земји, но дека  е позитивно што соседите и пријателите ги решаваат своите проблеми.

- Ќе повторам не сакаме да се мешаме во внатрешни работи на други земји, но секогаш позитивно ќе реагираме ако нашите пријатели и ако нашите соседи се договараат и ако ги решаваат проблемите. Тоа се работи за кои со сигурност можеме да кажеме дека нема да имаме против и во однос на тоа дали сме ние задоволни и дали се радуваме, затоа што Скопје и Атина ќе ги решат своите проблеми.Сосема сигурно е дека тоа е добра вест и за Белград и за Србија, рече претседателот Вучиќ.

Тој посочи дека нема право некого да повикува или да не повикува да учествува на референдумот, истакнувајќи дека тоа не е фер и е директно мешање во внатрешни работи на друга држава.

- Ја почитувам Македонија и тоа нема да го правам. Но, мислам дека решавањето на конфликтот меѓу Скопје и Атина придонесува за регионалната стабилност и е од значење и важност за целиот регион. Уверен сум дека тоа луѓето ќе го поздрават, рече Вучиќ.

Потенцира дека е благодарен на ставот на премиерот Заев во врска со нивните разговори со Приштина, поради, како што рече, целта - стабилност и мир за сите, соработка и постигнување долгорочно решение. ам/вј19:02

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...