Заев: Доаѓањето на тројцата светски државници поддршка за Македонија

Заев: Доаѓањето на тројцата светски државници поддршка за Македонија

Берово, 3 септември 2018 (МИА) - Тоа што тројца светски државници неделава ќе дојдат во Македонија е уште еден позитивен сигнал, признание и поддршка за нашата земја, рече премиерот и претседател на СДСМ Зоран Заев на вечерашната трибина во Берово.

Заев ја најави посетата на генералниот секретар на НАТО Столтенберг, на германската канцеларка Меркел, како и на австрискиот канцелар Курц.

- Во среда вечер доаѓа Столтенберг, вторпат во шест месеци, во петок австрискиот канцелар Куурц, а во сабота Меркел. Доаѓањето на тројцата светски државници е признание за Македонија, позитивен сигнал. Тие ни подаваат рака за да одиме напред, истакна премиерот.

Според него, и опозицијата е свесна дека ова е моментот за ЕУ и НАТО,  моментот кога сите, како што нагласи, треба да бидеме заедно и да се обединиме за европска Македонија.

Заев се осврна и на финансиската поддршка што и ја дава ЕУ на Македонија. Потенцира дека на располагање ни се милијарди евра до 2020 година, но ќе ни бидат доделени ако референдумот е успешен и ако земјава продолжи по европскиот пат. 

Градоначалникот на Берово Звонко Пекевски истакна дека се искористени пари од ЕУ и дека таа пракса може да продолжи само со членство на земјава во ЕУ што ќе биде потврдено со успешниот референдум. 

Пред трибината во Берово, Заев беше на средба со граѓани во Пехчево. вс/мч/21:50

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...