Евергрини и електронски звуци за Денот на независноста

Евергрини и електронски звуци за Денот на независноста

Скопје, 7 септември 2018 (МИА) - Со забава на отворено во дворот на Владата утре ќе биде прославен Денот на независноста - 8 Септември. 

Како што соопшти владината прес-служба, утревечер со почеток во 18 часот најмладите со нивните семејства ќе се забавуваат со програмата што за нив ја подготвува Петко и 5+ Бенд.

Забавно-музичкиот дел за возрасните ќе го отвори Огнен Узуновски – Оги со диџеј сет кој ќе почне во 19 часот. 

Програмата под отворено небо, во дворот на Владата, потоа ќе продолжи со музиката на оркестарот на Македонската филхармонија, заедно со Тамара и Тијана, кои ќе ги изведат најубавите македонски евергрини, со почеток во 19:30 часот.  

Во 20:35 часот ќе настапат Македонската филхармонија и маестро Џијан Емин со проектот „Оригинатор“ на продуцентот на електронска музика, Хуан Аткинс. Во завршницата на музичката програма вечерта ќе настапи и познатиот домашен диџеј Феки Фарис.

На прославата по повод Денот на независноста ќе се обрати и премиерот Зоран Заев. мд/са/09:26

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ