Спикерот Џафери се сретна со сенаторот Џонсон

Спикерот Џафери се сретна со сенаторот Џонсон

Скопје, 9 септември 2018 (МИА) - Американскиот Сенатор Рон Џонсон денеска на средбата со претседателот на Собранието Талат Џафери истакна дека во земјава дошол за да ја пренесе и потврди поддршката на САД за надминување на последната пречка кон полноправното членство во НАТО.

Тој истакна дека членството во НАТО ја гарантира безбедноста на Република Македонија, а со тоа се поттикнува растот на економијата, што всушност е и примарната цел.

Се заблагодари за досегашниот придонес на Македонија во НАТО мисиите и за определбата за трошење на 2 отсто од БДП за одбраната.

Џафери, како што соопшти прес-службата на Собранието, рече дека посетата на Џонсон е континуитет на поддршката од САД и ја искористи пригодата да му се заблагодари за триесетгодишната помош и поддршка што Вашингтон и ја дава на Република Македонија.

Изрази благодарност и за позитивниот ангажман на Амбасадата на САД во Република Македонија и на нивниот персонал, предводени од Џес Бејли, во минатото и сега.

Претседателот Џафери зборуваше за активностите што Собранието ги има во врска со кампањата за референдумот и за начинот на нејзината реализација.

Тој го информира гостинот дека Собранието има потполн легитимитет, како претставничко тело на граѓаните, имајќи ги предвид интересите на државата, да го води и заокружи процесот по референдумот се до зачленување во НАТО. ац/бк/14:59

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ