Анкета: Речиси 41 отсто од граѓаните на референдумот ќе гласаат „за“

Анкета: Речиси 41 отсто од граѓаните на референдумот ќе гласаат „за“

Скопје, 5 септември 2018 (МИА) - На претстојниот референдум 40,9 отсто од граѓаните ќе гласаат „за“, „против“ се 8,6 отсто, неопределени 6,3 отсто, додека два проценти од анкетираните одбиле да одговорат. Без одговор биле 42,2 отсто од испитаниците.

Ова го покажала најновата анкета што за телевизија Телма ја изработиле Инситутот за демократија-Социетас цивилис и Македонскиот центар за меѓународна соработка-МЦМС, а ја спроведе компанијата М-проспект.

На првото прашањето во анкетата-дали ќе излезат или нема да излезат на гласање, мнозинството или 57,8 отсто се изјасниле дека ќе излезат на гласање, речиси една третина или 28,8 отсто нема да излезат на референдум, 11,2 отсто не знаат и 2,2 отсто одбиле да одговорат.

Анкетата е теренска и е правена лице в лице од 7 до 25 август годинава на репрезентативен примерок од 1.000 испитаници. Анкетата го проектира и цензусот на референдумот, а вкрстува и податоци за етничката припадност на анкетираните. Анкетата е спроведена на македонски и албански јазик. 

Целосната анкета и анализа на податоците беше објавена вечерва во „Топ Тема на Ваша страна“ на Телма. мд/ев/20:21

###

фото: Телма

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...