• A-
  • A
  • A+
петок, 21 септември 2018, 

„Хуавеи“ пред забрана да прави бизнис во САД

„Хуавеи“ пред забрана да прави бизнис во САД

Вашингтон, 7 јули 2018 (МИА) - Федералната комисија за комуникации на САД (ФЦЦ) наскоро ќе излезе со предлог до Владата, што практично ќе му забрани на „Хуавеи“ да прави бизнис во земјата, соопшти специјализираниот сајт „гизчајна“.

Ваквиот развој може да доведе до банкрот на американскиот телеком оператор „Јунајтед ТелКом“, со седиште во Канзас, бидејќи поголем дел од неговата опрема за безжични мрежи ја обезбедува токму „Хуавеи“.

Во случај на забрана на активностите на „Хуавеи“ во САД, компаниите како „Јунајтед ТелКом“ и други мали телеком оператори ќе бидат принудени да прекинат со работата, поради недостаток на техничка поддршка и неможност да се купи нова опрема.

Замена на телекомуникациската опрема на „Хуавеи“ со уреди од трети страни ќе чини околу 20-25 милиони долари за операторот „Јунајтед ТелКом“. Меѓутоа, таквите непредвидени трошоци не се во рамките на можностите на малите телекоми.

САД ги стави на „нишан“ високо-технолошките кинески компании, особено големите играчи како што се „Хуавеи“ и „ЗTE“. Официјалната американска позиција е дека бизнисот на овие компании ја загрозува националната безбедност - било да е тоа поради шпионирање во корист на кинеската влада или поради врски со непријателите на САД како Иран.вз/см/16:02

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ