„Кока-Кола“ со зголемена добивка поради побарувачката за Диет кола и Кока кола без шеќер

„Кока-Кола“ со зголемена добивка поради побарувачката за Диет кола и Кока кола без шеќер

Атланта, 27 јули 2018 (МИА) - Компанијата „Кока-Kола“ соопшти дека остварила голема добивка благодарение на зголемената побарувачка на пијалоците Диет кола (Diet Cola) и Кока кола без шеќер (Coca-Cola Zero Sugar).

„Кока-Кола“, која ги произведува и соковите Спрајт и Фанта и водата Пауереид (Powerade), заработи над две милијарди долари или 54 центи по акција, за три месеци, заклучно со 29 јуни.

Минатата година, компанијата заработи 1,37 милијарди долари или 32 цента по акција. Не сметајќи ги еднократните добивки и загуби, заработката изнесуваше 61 цент за една акција, што е за еден процент повеќе од предвидувањата.

кока колаПродажбата на газирани пијалоци во Северна Америка се зголеми за еден процент, благодарение на Кока-Кола без шеќер и на водата и спортските пијалoци за пет отсто, како резултат на порастот на продажбата на Powerade.

Продажбата на овошни сокови е намалена, главно поради намалувањето на амбалажата и на продажниот приоритет на брендовите со пониска маржа на продажба. паг/гт/13:40

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ