„Боинг“ очекува Кина да купи 7.690 авиони во следните 20 години

„Боинг“ очекува Кина да купи 7.690  авиони во следните 20 години

Пекинг, 11 септември 2018 (МИА) - Кинеските авиокомпании ќе купат 7.690 нови авиони во вредност од 1.200 милијарди долари во следните две децении, за да го задржат темпото со зголемената потрошувачка и бизнис побарувачката за воздушен транспорт, проценува компанијата „Боинг“.

Најновата проценка на американскиот производител на авиони за периодот до 2037 година е зголемена за 6,2 отсто од ланските прогнози, кога „Боинг“ очекуваше дека кинеските компании ќе купат 7.240 авиони до 2036 година.

- Растот во Кина може да се припише на зајакнувањето на средната класа во земјата. Средната класа се зголеми трипати во текот на изминатите десет години и се очекува да се удвои во следните десет, изјави Ренди Тинсет, потпретседател на маркетинг на  „Боинг“.

„Боинг“ и неговиот европски ривал „Ербас“ се обидуваат да го зголемат влијанието на пазарот во Кина, најбрзо растечкиот глобален авионски пазар, на тој начин што двете компании отворија производствени капацитети во Кина. паг/сп/13:34

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.