Дете прегазено од автомобил во струшко

Дете прегазено од автомобил во струшко

Струга, 2 август 2018 (МИА) – Петгодишно дете од струшкото село Долна Белица е повредено при удар од автомобил на локалниот пат во населбата Фериште.

Детето, како што информира денеска портпаролот на СВР Охрид Стефан Димоски, се здобило со тешки телесни повреди, констатирани од страна на лекар од Медицинскиот центар во Струга.

- По медицинскиот третман во струшката болница детето е префрлено во болницата „Свети Еразмо“ во Охрид, изјави Димоски.

Тој појасни дека вчера во 18 часот и 40 минути било пријавено оти на локалниот пат во населбата Фериште-струшко патничко моторно возило „БМВ“ со швајцарски национални ознаки, управувано од Б.Ш.(37) од селото Радолишта, удрило во детето, пешак.

Извршен бил увид на местото на настанот од страна на Полициската станица Струга и се работи на целосно расчистување на случајот. сс/ев/12:38

###

 

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ