• A-
  • A
  • A+
недела, 23 септември 2018, 

Двеста и двајца возачи во Скопје возеле побрзо од дозволеното

Двеста и двајца возачи во Скопје возеле побрзо од дозволеното

Скопје, 20 август 2018 (МИА) - Двеста и двајца возачи изминатиот викенд во Скопје возеле со поголема брзина од дозволената, а 45 биле под дејство на алкохол. 

Според полицискиот билтен, за време на викендот се случиле 31 сообраќајна незгода, а 26 лица се здобиле со полесни повреди. Во 13 сообраќајки е причинета материјална штета.

Од сообраќај се исклучени 47 возачи кои возеле пред да се стекнат со правото на управување на моторно возило и 11 возачи почетници.

Сообраќајната полиција исклучи од сообраќај и 39 нерегистрирани возила, а напиша и 120 казни за непрописно паркирање. 

На црвено светло поминале 16 возачи, а седум не им дале предност на пешаци на обележан пешачки премин.

Дваесет и четворица возачи на мопеди и моторцикли не користеле заштитни шлемови. бак/са/08:30

###

   

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ