• A-
  • A
  • A+
четврток, 20 септември 2018, 

Десет локални организации на лица со попреченост ќе добијат грантови од ЕУ

Десет локални организации на лица со попреченост ќе добијат грантови од ЕУ

Скопје, 4 мај 2018 (МИА) - Здружението на лица со попреченост „Полио Плус“, во рамки на проектот „Маргина Обскура", додели сертификати за грантови на десет граѓански организации на лица со попреченост од повеќе градови низ Македонија.

Конкурсот беше објавен на 21 март годинава. Проектот е реализиран во соработка со македонската организација Цивика мобилитас, Агенцијата за соработка, едукација и развој од БиХ (АЦЕД), а е поддржан од Европската Унија.

- Нашата цел е да ја зајакнеме улогата на организациите на лица со хендикеп, за тие да можат поактивно и поефективно да се вклучат во градењето на еднакво општество за сите, истакна претседателот на Полио Плус, Звонко Шаврески.

На дискусијата, покрај претставничката на ЕУ, Вирве Випари, учествуваа и претставници од македонското Министерство за труд и социјална политика и од Македонскиот центар за меѓународна соработка.

Душан Томшиќ - посебен советник во МТСП, нагласи дека унапредувањето на правата на лицата со попреченост, е висок приоритет за Владата, како и спроведувањето на меѓународната Конвенција за правата на лицата со попреченост, чијшто потписник е и Република Македонија.

- Оваа платформа е основа за една посилна поврзаност на здруженијата на лица со попреченост на локално, но и национално ниво... Како и за поврзување со сродните организации во целиот регион, истакна претседателот на АЦЕД, Душко Вучиќ.

Во хотелот „Порта“ во Скопје два дена се спроведува програмата на Полио Плус, со предавања за правата на лицата со попреченост. си/сд/08:35

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...