• A-
  • A
  • A+
четврток, 20 септември 2018, 

Се намалува старосната граница за пензионирање на рударите

Се намалува старосната граница за пензионирање на рударите

Скопје, 11 септември 2018 (МИА) - Владата на денешната седница го усвои Предлог - законот за изменување и дополнување на Законот за пензиско и инвалидско осигурување, со што се намалува старосната граница за пензионирање на рударите. 

Од владината прес-служба соопштија дека откако Министерството за труд и социјална политика ќе го достави законот во Собранието и тој ќе биде изгласан, рударите ќе можат да остварат право на старосна пензија со навршување на 40-годишен стаж за мажи и 35-годишен пензиски стаж за жени. 

- Со досегашниот закон рударите би заминувале во пензија на околу 58 годишна возраст, а со новиот закон тие ќе заминуваат во пензија на околу 50 години, наведе министерката за труд и социјална политика Мила Царовска.

Таа посочи дека сега за секоја година пропорционално ќе им се пресметува бенифицираниот стаж и така побрзо ќе навршат 40 години бенифициран стаж и ќе можат да заминат во пензија.

- Се очекува во 2019/2020 година околу 100 лица да го остварат пензионирањето врз основа на ова законско решение, нагласи Царовска.

Министерот за економија Крешник Бектеши посочи дека рударството е многу значајно за индустриското производство во Република Македонија.

- Како сектор учествува со 8,31 отсто од индустриското производство, а директно и индиректно вработува над 10.000 граѓани во Република Македонија, посочи Бектеши. см/лв/18:08

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



Мозаик

Обожаватели на Принс бараат истрага за неговата смрт

Илјадници обожаватели на американскиот музичар При...

Објавена првата слика од новиот Џокер

Режисерот Тод Филипс на Инстаграм ја објави првата...

Експерти: Вештачката интелигенција ќе ни овозможи комуникација со животните

Желбата за зборување со животните тлее во многумин...

На Месечината има погребан човек

На Месечината има многу „ѓубре“ од луѓето што ја п...

Папата Франциско: Сексот е голем дар од Бога

Папата Франциско им порача на младите Французи дек...