• A-
  • A
  • A+
недела, 24 јуни 2018, 

Владика Наум: Следниот чекор е заедничко сослужение на светата литургија на БПЦ и МПЦ-ОА

Владика Наум: Следниот чекор е заедничко сослужение на светата литургија на БПЦ и МПЦ-ОА

Скопје, 9 февруари 2018 (МИА) – Следниот чекор е заедничко служење на светата литургија со што заедно во пракса ќе ја исполниме одлуката на БПЦ со која таа прифати да биде црква мајка на Македонската православна црква – Охридска архиепископија, истакна струмичкиот митрополит Наум во интервју за бугарската агенција БГНЕС прашан за тоа кои се следните чекори меѓу двете цркви.

- Ако двете цркви заедно не служат света литургија, тогаш каков и  да има договор меѓу нив или еднострани дејствија тие нема да имаат смисла, ниту содржина. Нашата црква и сега е многу благодарна на БПЦ за крстот кој го презеде со одлуката да не претставува, да се застапува за нас и да ни помага да бидеме дел од православниот свет. Но, смирено чекаме тој крст да ни донесе воскресната радост од заедничкото причестување со светите Христови тајни од еден ист путир. Ние очекуваме овој заеднички чекор да се случи многу скоро. Деновиве испративме писмо до неговата светост патријархот Неофит со братски повик за заедничко служење на светата литургија, вели митрополитот струмички Наум.

Тој посочува дека е запознат со информацијата дека Вселенската патријаршија гледа позитивно на барањето на МПЦ-ОА БПЦ да биде нејзина црква мајка.

- Последниот збор се разбира ќе го има вселенскиот патријарх Вартоломеј - таков е редот во Православната црква. Колку што ми е мене познато и тоа е сосема нормално, вселенскиот патријарх неуморно работи на единството на една света соборна и апостолска црква - тоа е неговата основна задача. Ние веруваме, но и гледаме дека се што се прави во Православната црква во согласност со оваа задача е истовремена радост и утеха, преку светиот дух, и за самиот вселенски патријарх Вартоломеј, рече митрополитот Наум.

Според него, познати се заедничките предизвици со кои се соочуваат православните цркви во Република Македонија и во Бугарија.

- За општите предизвици со кои денес се соочува црквата Божја нема да говорам зашто тие се познати. Најсуштинско и најважно е дека црквата треба да се соочи со сопствените предизвици. Во црквата нема доволно вистински духовни отци и духовни лидери кои правилно ќе размислуваат за доброто и за злото, кои ќе донесат храбри одлуки и ќе застанат зад нив, кои ги решаваат проблемите и кои се способни да ги привлечат и водат верниците. Недостигот на духовни отци-лидери е клучниот проблем на црквата денес, оценува митрополитот струмички Наум. вг/ев/08:15

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Познатиот кувар не бил под влијание на дрога кога се самоубил

Познатиот американски кувар Ентони Борден не бил п...

Џони Деп: Го допрев дното

Актерот Џони Деп во интревју за списанието „Ролинг...

Откриена илегална агенција за сурогат мајки во Камбоџа

Полицијата во Камбоџа упаднала во два стана во гла...

Почина Вини Пол Ебот, еден од браќата основачи на Пантера

Вини Пол Ебот, еден од основачите на хеви метал бе...

Дебелеењето нуспојава на Мундијалот

Седењето пред телевизор, пиењето на зашеќерени нап...