Бигорски доби магистер по црковна музика

Бигорски доби магистер по црковна музика

Дебар, 4 март 2018 (МИА) - Свештената Обител на познатото македонско древно светилиште „Свети Јован Крстител“, попознат како Бигорски манастир, го доби својот прв магистер по византиско пеење и музикологија.

-Со благослов на нашиот почитуван надлежен архипастир, Митрополит г. Тимотеј, и со молитвената и татковска поткрепа на нашиот Старец, Архимандрит Партениј, Свештената Бигорски Обител го доби својот прв магистер по византиско пеење и музикологија, нашиот собрат јероѓаконот Анатолиј, велат од Бигорскиот манастир.

Отец Анатолиј на одделот за богослужение и црковна уметност, на Теолошкиот факултет при Аристотеловиот Универзитет во Солун, успешно ја одбрани својата магистерска теза од специјалноста по византиска музикологија, со наслов: „Самогласните стихири на празникот Успение на Пресвета Богородица во византиското и поствизантиското песнотворение“. вт/бк/07:58

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ