• A-
  • A
  • A+
петок, 21 септември 2018, 

Литија со иконата на Богородица Скоропослушница во Струмица

Литија со иконата на Богородица Скоропослушница во Струмица

Струмица, 11 март 2018 (МИА) - Во спомен на пристигнувањето на копијата од чудотворната икона „Богородица Скоропослушница“, која пред една година беше донесена на дар во храмот на „Светите 15 Тивериополски свештеномаченици“ во Струмица од страна на монасите од Светогорскиот манастир Дохијар, се одржа празнична Архиерејска Литургија и Литија.

Литијата со иконата се движеше низ улиците на Струмица, а на градскиот плоштад „Гоце Делчев“ беше пречекана од голем број верници и граѓани. Таму се одржа молитвословие-доксологија.

Митрополитот на Европската епархија Пимен во своето обраќање ги поздрави присутните верници и граѓани и истакна дека иконата на Богородица Скоропослушничка не треба да им служи на струмичани само да се фалат пред другите градови .

- Да одите пред иконата да се помолите и заблагодарите за секое едно добро што ни го дарува Господ и постојано да го градите тој ваш молитвен однос со Пречистата Богомајка и на тој начин Гспод Бог да ви дарува многу години и добрини во вашите животи, порача Митрополитот Пимен.

Пред присутните зборуваше и претставник на Светогорскиот манастир Дохијар, каде што се наоѓа оригиналната икона. Тој меѓу другото побара да запрат расколите во црквата и да се воспостави длабок мир.

- Нашата света соборна црква е во целиот свет и е поделена на помали помесни цркви соедниети во православна црква. Се нарекува црква оти не сме се собрале самите, туку не собрал самиот Христос Бог, рече претставникот на Светогорскиот манастир Дохијар.

На денешната литија присуствуваа владици на МПЦ-ОА, голем број верници и граѓани од Струмица и околните градови. рт/мд/12:29

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ