• A-
  • A
  • A+
среда, 19 септември 2018, 

Веб страницата на Бигорскиот манастир достапена и на англиски јазик

Веб страницата на Бигорскиот манастир достапена и на англиски јазик

Дебар, 8 јули 2018 (МИА) - Веб страницата на манастирот „Свети Јован Крстител“, попознат како Бигорски манастир, сега е достапна и на англиски јазик.

- Во чест на сечесниот спомен на Рождеството на нашиот патрон и небесен застапник, светиот и славен Пророк, Претеча и Крстител Господов Јован објавена е верзија на манастирскиот сајт на англиски јазик. Сите содржини што се однесуваат на манастирот се преведени. На овој начин тие стануваат подостапни, велат од Бигорскиот манастир.

Една година по објавувањето на новиот сајт на манастирот, во април годинава објавена беше верзијата на грчки јазик.

- Новиот сајт беше објавен во чест на Празникот над празниците, Христовото воскресение-Велигден, во 2016-то господово лето, а ете со божја промисла исто така во чест на Христовото воскресение во април годинава ја објавивме верзијата на манастрскиот сајт на грчки јазик. Сега во чест на Рождеството на нашиот патрон и на аглиски јазик, нагласуваат од Бигорскиот манастир.

бигорски манастир

Инаку, во присуство на голем број верници и гости од сите краишта на нашата земја беше одбележа втората манастриска слава - Денот на раѓањето на Свети Јован Крстител.

Спроти денот отслужено беше сеноќно бдение, со кое чиноначалствуваше Неговото Високопреосвештенство митрополитот Брегалнички г. Иларион, а обраќање имаше игуменот на Бигорската Света Обител, Архимандрит Партениј.

На бдението за првпат гостуваше хорот при храмот „Св. Пантелејмон“ – Ахарна, Атина, Република Грција, под раководство на протопсалтот Илија Редијадис Тумбас, претседател на сојузот на протопсалти на Атина.

Со Светата архиерејска празнична литургија пак чиноначалствуваше Митрополитот дебарско - кичевски г. Тимотеј, во сослужение со Митрополитот брегалнички г.Иларион и Епископот хераклејски - г. Климент. вт/дма/12:35

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ