• A-
  • A
  • A+
вторник, 18 септември 2018, 

Во Гостивар прославен празникот Преображение Христово

Во Гостивар прославен празникот Преображение Христово

Гостивар, 19 август 2018 (МИА) - Со црковно-народен собир во дворот на манастирот во изградба „Св. Преображение" во гостиварската населба Циглана беше одбележан празникот Преображение Христово.

Во присуство на голем број православни верници, чинот на водосвет, прережување на славските погачи и осветување на грозјето го изврши митрополитот тетовско-гостиварски г.Јосиф, со свештеници од гостиварското архиерејско намесништво.

Годинава, прославата на празникот беше збогатена со изборот на првите седум кумови, а како што беше кажано, тоа ќе продолжи и во иднина.

На прославата во Гостивар присуствуваше и претседателот на Република Македонија, Ѓорѓе Иванов со сопругата Маја. Брачниот пар Иванови на манастирот му подари икона.

преображение христово гостивар

Изградбата на манастариот во населбата Циглана започна со поставувањето на камен темелникот во 2014 година и е првото светилиште кое во гостиварско се гради по речиси 120 години.

Празнувањето во Гостивар започна утрово со служење на божествена литургија во соборниот храм Пресвета Богородица. згм/вг/14:22

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ