Могерини уште еднаш повика членките на ЕУ да отворат преговори со Македонија

Могерини уште еднаш повика членките на ЕУ да отворат преговори со Македонија

Луксембург, 25 јуни 2018 (МИА) – Високата претставничка за надворешни работи на ЕУ, Федерика Могерини, ден пред клучниот состанок на ЕУ министрите каде треба да се разгледува препораката за старт на преговори со Македонија, повторно ги повика земјите членки да го наградат напредокот на Македонија.

- Знаете дека препорачавме отоврање преговори со Скопје и Тирана, овој процес мора да се заснова на заслуги, што значи дека кога има напредок тој мора да биде признаен и да биде охрабрен и придружуван. Се надевам дека земјите членки ќе ја донесат вистинската одлука.

Таа порача дека на Западниот Балкан „напредокот е импресивен“, наведувајќи го потпишувањето на Договорот за името со Грција, како и напредокот во дијалогот меѓу Белград и Приштина, јави дописничката на МИА од Брисел.

Министрите за надворешни работи на ЕУ утре на Советот за општи работи треба да дебатираат за проширувањето и за априлските извештаи на Европската Комисија за Западниот Балкан. Конечната одлука за преговори со Македонија би можела сепак да биде одложена за лидерите на ЕУ во четврток доколку утре министрите не постигнат согласност.тм/са/09:18

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ