• A-
  • A
  • A+
среда, 19 септември 2018, 

Рот: Германија дава зелено светло за Македонија (видео)

Рот: Германија дава зелено светло за Македонија (видео)

Луксембург, 26 јуни 2018 (МИА) - Министерот за Европа во германското Министерството за надворешни работи Михаил Рот пред денешниот состанок на Советот за општи работи во Луксембург, изјави дека Берлин е подготвен да даде зелено светло за почеток на преговорите со Македонија и Албанија.

- Германската Влада е подготвена да ги поддржи Македонија и Албанија на нивниот пат кон ЕУ. Подготвени сме да дадеме зелено светло и би сакал да ги охрабрам и нашите пријатели во Холандија и Франција да ни се придружат, рече Рот.

На прашањето дали очекува тоа да се случи денеска, Рот вели дека не е сосема сигурен, но оти се надева дека ќе се случи и оти е воздржан оптимист.  

Нагласи дека стабилноста, мирот и демократијата на Западен Балкан е клучна за сите во ЕУ.

- Затоа високо ги цениме напорите што ги преземаат и Македонија и Албанија за зајакнување на владеењето на правото, независно судство, борбата против корупцијата, рече министерот за Европа во германското Министерството за надворешни работи.

Советот на ЕУ за општи работи денеска во Луксембург треба да донесе одлука по препораката на ЕК за почеток на пристапните преговори на Македонија и на Албанија. тм/нд/10:20

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ