• A-
  • A
  • A+
петок, 21 септември 2018, 

Покана за НАТО, но нема влез без финализирање на договорот (видео)

Покана за НАТО, но нема влез без финализирање на договорот (видео)

Брисел, 29 јуни 2018 (МИА) – По конфузијата која владееше во јавноста околу процедурата за зачленување на Македонија, генералниот секретар на НАТО, Јенс Столтенберг, ги појасни чекорите денеска по средбата со премиерот Зоран Заев. Успешен референдум за Договорот со Грција останува клучен услов, но Македонија веќе ќе учествува на сите состаноци на НАТО и пред полноправното членство.

На претстојниот Самит на НАТО на 11 и 12 јули во Брисел, Македонија ќе добие покана за започнување на пристапните преговори со Алијансата, ова е неодминлив услов низ кој поминале сите претходни земји членки, појасни Столтенберг.

- Уверен сум дека шефовите на држави и влади ќе ја поканат ПЈРМ да започне пристапни преговори, потоа неколку месеци ќе имаме пристапни преговори и доколку внатрешните процеси се финализирани во земјата, тогаш можете да се приклучите кон НАТО, рече генералниот секретар.

Заев и Столтенберг

По заокружувањето на пристапните преговори ќе биде потпишан Протокол за пристапување кој потоа треба да биде ратификуван од  парламентите на сите земји членки на НАТО. Овој процес на ратификација е тој што одзема најмногу време.

- Времетраењето варира малку, но можам да ви дадам два примера, рече Столтенберг.

За Црна Гора, објасни тој, поканата за почеток на преговори била изададена во декември 2015, преговорите биле финализирани во март 2016, а потоа сите 28 земји членки го ратификувале Протоколот до јуни 2017.

- Она што одзима време е всушност ратификацијата во разните земји членки, појасни првиот човек на НАТО.

Албанија и Хрватска, пак, беа поканети во април 2008, а се приклучија во април 2009, една година подоцна.

- Зборуваме за нешто како година и половина од поканата до полноправно членство, Но, штом го потпишеме Пристапниот протокол, што трае неколку месеци, три месеци за Црна Гора, тогаш земјата ќе биде поканета да учествува на сите средби на НАТО и ќе седи на маса и ќе биде дел од Советот на НАТО. Црна Гора почна да учествува во сите активности на НАТО во март 2016, само три месеци откако почнаа преговорите за членство, рече Столтенберг.

Заев со Столтенберг во Брисел

Како што јави дописничката на МИА во Брисел, Столтенберг посочи дека процесот може да оди многу брзо, но за тоа е неопходно да завршат сите процедури околу Договорот со Грција.

- Тоа значи дека потребните промени во Уставот треба да се направени и потоа можеме да ја поканиме земјата да пристапи под новото име, Република Северна Македонија. Навистина се надевам дека народот во вашата земја ќе ја зграпчи оваа прилика, ова е историска прилика, порача геренарлниот секретар на НАТО.

Доколку референдумот не успее Македонија нема да може да стане членка на НАТО потсети Столтенберг.

- Тешко е да се замисли, доколку се отфрли оваа прилика, ситуација каде би биле толку блиску до членство во НАТО. На народот на ПЈРМ е да одлучи, но подготвени сме да поканиме и да го направиме тоа најбрзо што може, зборуваме за месеци, нагласи Столтенберг.

Генералниот секретар не сакаше да ги коментира опструкциите на претседателот Иванов, и порача дека на државата е да одлучи како ќе се одвиваат процедурите и како ќе се финализира Договорот со Атина. тм/са/10:40

Поврзани вести:

Столтенберг: Вратата на НАТО е отворена, а вие сте на прагот

Заев: ЕУ не бара бегалски кампови во Македонија

Заев: Конечно имаме цело време да се посветиме на внатрешните реформи

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Kолумбиjа затвори музеј на Пабло Ескобар

Колумбискиот град Меделин, во соработка со миграци...

Во Лас Вегас се отвора музеј на марихуаната

Музеј на марихуаната денеска ќе биде отворен во „г...

Ким Џонг-ун му подари два тона печурки на својот јужнокорејски колега

Лидерот на Северна Кореја, Ким Џонг-ун, му подари ...

Брус Гринвуд ќе глуми во продолжението на „Сјаење"

Холивудскиот ветеран Брус Гринвуд ќе има своја уло...

Истражувачите поблиску до конечно лоцирање на бродот на капетан Џејмс Кук

Потрагата по кобното место за „Ендивор“ - бродот н...