Вон Дер Лејен за МИА: Многу е важно за нас да влезете во НАТО

Вон Дер Лејен за МИА: Многу е важно за нас да влезете во НАТО

Брисел, 11 јули 2018 (МИА) – Германската министерка за одбрана, Урсула Вон Дер Лејен во изјава за МИА изрази уверување дека Македонија ќе ја добие поканата за НАТО денеска и оти планира да ја посети земјата наесен.

- Германија силно го поддржува добивањето покана за влез во НАТО за нашите македонски пријатели, и многу сум сигурна дека тоа ќе биде резултатот на Самитот и со нетрпение очекувам да ја посетам вашата прекрасна држава, во септември мислам, рече Вон Дер Лејен.

На прашање во врска со референдумот, Вон Дер Лејен одговори дека се надева оти тој добро ќе помине.

- Стискам палци дека референдумот добро да помине, многу е важно за нас, нашите македонски пријатели да пристапат во НАТО, изјави за МИА германската министерка за одбрана. тм/дма/11:48

###

 

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ