Ципрас: Преспанскиот договор може да биде модел за други

Ципрас: Преспанскиот договор може да биде модел за други

Стразбур, 11 септември 2018 (МИА) – Грчкиот премиер Алексис Ципрас во своето обраќање пред Европскиот парламент ги истакна дипломатските успеси на неговата влада во регионот, нарекувајќи го преспанскиот договор „врвот на нашите напори“.

- Со премиерот Заев од ПЈРМ успеавме да стигнеме до заеднички прифатливо решение без употреба на сила, туку преку дипломатија и дијалог. Oвој договор може да биде модел за решавање на споровите во нашиот регион, изјави Ципрас пред европратениците.

Преспанскиот договор и „лидерството на Ципрас и Заев“ го поздрави и Европската Комисија преку еврокомесарот задолжен за Еврото, Валдис Домбровскис, кој рече дека преку решавањето на овој долгодишен спор „тие поставија пример за регионот и за поширокиот свет“.

Алексис Ципрас утрово одржува дебата со европратениците на пленарната седница на Европскиот парламент за иднината на Европа. тм/вг/09:32

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

„Хет трик“: Фудбалер за само шест недели доби деца од три жени

Напаѓачот на англискиот фудбалски клуб Стоук Сити,...

Доделена „Алтернативната Нобелова награда"

Наградата „Правилно живеење", позната и како „Алте...

Тревога во Бакингемската палата поради приврзок за клучеви

Мажот кој вчера беше уапсен кај Бакингемската пала...

Многу мажи по сексот чувствуваат емотивна празнина

Дури 40 отсто од мажите по сексот чувствуваат емот...

НАСА откри две нови планети

Само пет месеци по поставувањето во земјината орби...