• A-
  • A
  • A+
сабота, 22 септември 2018, 

Од верските календари

Од верските календари

8 април 2018 (МИА)

ОД КАЛЕНДАРОТ НА МПЦ

Според календарот на МПЦ (Јулијанскиот календар) денеска е 26 март.

Денеска е Воскресение Христово (Велигден).

Велигден, или празникот на Христовото воскресение е дефинитивно најголемиот христијански празник. Страдалната седмица заврши со новиот ден, денот на воскресението. Ние сме свикнале да ја делиме неделата на седум дена. Но, денес се установува тајната на осмиот ден, т.е. идниот ден, кој треба да дојде за никогаш да не заврши како што завршува секој ден на ова наше време. Христовото станување од мртвите е потврда на сите негови зборови, на сите негови ветувања. Подоцна апостол Павле ќе зборува: Ако Христос не воскреснеше, ќе беше залудна вашата вера, ќе беа залудни вашите надежи, зашто ќе верувавте и ќе се надевавте напразно. И навистина е така, бидејќи Христос не ветуваше привремена поправка на нашите животни услови, како што ветува на пример некој политичар или економист и кој ги проучил космичките закони па вешто се раководи според нив, туку ветуваше една сосема нова реалност, како креатор кој е мо¬ќен и способен да ја создаде таа реалност, поинаку кажано, како господар над животот и смртта. Утрото на третиот ден од Христовата смрт до неговиот гроб дојдоа прво жените мироносици и ја најдоа тргната плочата што го затвораше гробот. Внатре во гробот сретнаа еден пресветол ангел кој им ја кажа веста за Христовото воскресение. Оваа вест оттогаш секоја година ја објавува Црквата низ целиот свет, како најрадосна вест за целиот човечки род.

ОД КАТОЛИЧКИОТ КАЛЕНДАР

Денеска е Благословен Дамјан Девустер.

Бил роден во 1840 година во Тремоли, Белгија. Бил воспитан во верски и морален дух. Заедно со неговиот брат и сестра одлучил да стапи во духовниот сталеж. Во 1864 година, Дамјан станал свештеник. Во 1873 година отишол во Молокај, на брегот на кој имало луѓе болни од чума. Со себе го земал само свештеничкиот молитвеник наречен Бревијар и мисијскиот крст. На своите родители им напишал „Молете се за мене. Не бидете вознемирени поради мене бидејќи кога му служи на Господ, човек е среќен“. По 16 години работење Дамјан се разболел и умрел во 1889 година. Пред смртта изјавил „Среќен одам кон својот гроб. Среќен и задоволен што се жртвував за браќата болни од чума“.

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ