• A-
  • A
  • A+
сабота, 22 септември 2018, 

Од верските календари

Од верските календари

17 август 2018 (МИА)

ОД КАЛЕНДАРОТ НА МПЦ

Според календарот на МПЦ (Јулијанскиот календар) денеска е 4 август.

Денеска е Св. седум отроци во Ефес.

Овие седум момчиња христијани, бегајќи од гонењето на царот Декиј (249-251), се засолнија во една пештера близу Ефес. Таму Бог им прати еден чуден и долг сон. Додека тие спиеа, нивните гонители го заѕидаа влезот во пештерата. Двесте години подоцна, во времето на царот Теодосиј Помладиот (408-450) настана голем спор околу воскресението на мртвите. По Божја промисла некои овчари близу Ефес градеа трла за својата стока и за таа потреба ги користеа камењата од истава пештера. И тогаш момчињата се разбудија од сон, здрави и млади какви што беа пред цели два века, на тој начин сведочејќи за реалноста на воскресението. Недела дена подоцна тие пак заспаа, но сега со смртен сон, за да го чекаат денот на општото воскресение.

ОД КАТОЛИЧКИОТ КАЛЕНДАР

Денеска е Св. Хијацинт.

Живеел во тринаесеттиот век. Бил припадник на католичкиот монашки ред кој го основал свети Доминик и кој бил наречен Доминиканци. Припадниците на доминиканскиот ред проповедувале и го ширеле верското учење. Свети Хијацинт проповедувал не само во Полска, туку и во Прусија и Украина. Живеел сиромашно и побожно. На свети Хијацинт му се молат верниците за истрајност во верата.

###

Сите права се задржани. Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од Македонската информативна агенција.



НЕМА ПОВРЗАНИ ВЕСТИ

Мозаик

Која е разликата помеѓу белите и кафените јајца?

Најверојатно сте се запрашале за разликата меѓу ја...

Македонија го потврди учеството на Евровизија 2019

Македонија го потврди учеството на Евровизија 2019...

Во Минхен почна 185. издание на Октоберфест

Во Минхен денеска почнува 185. издание на познатио...

Кање Вест одлучи да го напушти Лос Анџелес

Кање Вест донесе одлука заедно со семејството да с...

Парче килибар тешко 1,8 килограми пронајдено во Калининград

Парче килибар тешко 1,8 килограми е пронајдено во ...