• A-
  • A
  • A+
понеделник, 15 октомври 2018, 

Мас: Германија ќе лобира за Македонија во ЕУ и НАТО (видео)

Мас: Германија ќе лобира за Македонија во ЕУ и НАТО (видео)

Скопје, 14 јуни 2018 (МИА) - Министерот за надворешни работи на СР Германија Хајко Мас, го поздрави постигнатиот договор со Грција за името и изрази надеж дека во иднина и одлуките кои ќе бидат во однос на НАТО и ЕУ ќе бидат јасен сигнал за граѓаните на Мaкедонија.

- Се надевам дека во вашата земја ова решение ќе биде добро примено од граѓаните. Ние ќе продолжиме и понатаму да го поддржуваме тој процес, изјави Мас на заедничката прес-конференција во Берлин со министерот за надворешни работи на Република Македонија, Никола Димитров.

Посочи дека ова прашање е одлучувачко за европските и за германските интереси.

- Во Македонија изминатите години има импресивен процес на реформи и кој, исто така, сега покажува резултати во самата земја и заслужува да добие признание од целата Европска унија. Затоа ве поддржуваме да покажувате решителност и понатаму и да ги остварите потребните реформи, рече Мас.

Изрази надеж дека во иднина и одлуките кои ќе бидат во однос на НАТО и ЕУ ќе бидат јасен сигнал за граѓаните на Македонија и ќе потврдат дека ќе се оди понатаму во правец на европската перспектива.

- Не сакаме некои други некои сили да ги остваруваат своите планови во вашиот регион. Ние веруваме во европската перспектива која е во корист на целиот регион, изјави Мас.

На новинарско прашање дали е подготвен да лобира за помош за придвижување на евроинтеграцискиот процес на Македонија, Мас, рече дека се апсолутно подготвени.

- Уверен сум дека позицијата на Владата ќе биде прифатен од Парламентот, како и од нашите холандски и француски пријатели со кои интензивно ќе разговараме во следните денови за да дојдеме до заедничка позиција, рече Мас.

Димитров: По договорот со Грција очекуваме почеток на преговорите со ЕУ и покана за НАТО

Многу е важно Македонија да добие политичка одлука од Европскиот совет кон крајот на јуни за почеток на преговори и за членство во НАТО бидејќи само така компромисот што го постигнавме ќе биде вин-вин за двете страни, изјави министерот за надворешни работи Никола Димитров на прес-конференцијата со неговиот германски колега Хајко Мас.

- Многу е важно, покрај нашето пријателство со Грција, да ги започнеме преговорите со ЕУ и да се зачлениме во НАТО, многу е важно и благодарен сум за поддршката од Германија, Македонија да добие политичка одлука од Европскиот совет кон крајот на јуни за почеток на преговори и за членство во НАТО бидејќи само така компромисот што го постигнавме ќе биде вин-вин за двете страни. Мислам дека немаме луксуз да не ги користиме шансите кога се созџдадени за решевање на проблемот, рече министерот Димитров. 

Димитров и се заблагодари на Германија за поддршката што и ја дава на Македонија, земја во која, како што кажа, гледаме еден столб на Европа базирана на принципи, на свет каде што владее меѓународното право и правила.

- Македонија живее историски недели и месеци. На добар пат сме да затвориме еден спор кој што беше како камен и го отежнуваше прогресот и не заклучи во чекалната каде што поминавме доста многу години, рече шефот на македонската дипломатија.

Посети дека Македонија е кандидат за членство во Унијата од 2005 година и оти оваа година добивме деветта препорака од Европската комија. Ова, кажа Димитров, создаде доста кризи. 

- Македонија денеска се бори за истата Европа која вие ја живеет. Сакаме да немаме спорови со соседите, да имаме одговорни политичари, слободни медиуми.... Ние сме генерација што мора да ја заврши работата, не други сили, да го затвори македонското прашање, да нема веќе прашалници кои сме, да нема прашалници зошто зборуваме на македонски јазик и да ја отвориме перспективата за следните генерации, рече министерот. 

Ова, рече, го правиме без никакви домашни политички калкулации, мислејќи каква Македонија сакаме.

- Имаме историска шанса да го затвориме ова прашање во време кога нема многу шанси за успех не само во Европа и во светот. Мислам дека за сите ќе биде добро ова прашање да се затвори, за Балканот, за Европа, за светот..., рече Димитров.  

Шефот на македонската дипломатија, кој по посетата на Берлин се враќа во Скопје на владина седница на која ќе се разгледува договорот со Грција за спорот со името, потенцира дека по затворање на ова прашање Македонија нема да има отворено прашање со ниту еден сосед. 

Димитров потенцираше дека одговорност на Владата е да создаде шанса и да им понуди на граѓаните да се изјаснат за договорот на референдум на есен.   

- Мислам дека најодговорно и за Владата, која е спремна да се соочи со својата политичка одговорност создавајќи ја шансата граѓаните да се изјаснат. Парламентот и претседателот на државата не смеат да ја заменат волјата на граѓаните, рече Димитров. аа/ев/11:17

###

НЕМА ПОВРЗАНИ ВЕСТИ

Мозаик

Поранешна алкохоличарка најмлада богаташка на листата на „Форбс“

Линдзи Снајдер се најде на насловната страна на „Ф...

Оглас во Србија: Се издава кибрит

На „Хало“, интернет-страница за огласи за недвижно...

Семејството на Принс му забрани на Трамп да ги користи неговите песни

Семејството на починатиот поп пејач Принс побара о...

Војвотката од Сасекс е бремена

Британскиот принц Хари и неговата сопруга, војвотк...

Во својата прва улога Бред Пит глумеше син на Милена Дравиќ

Својата прва улога во професионалната кариера Бред...